Bait Ides's Dictionary=part 11

مصطلحات ما انزل الله بها من سلطان :
فكح

ومعناه مزط او هرب

تلولحي يا دالية

تقال للشخص النحيف جدا وبترخرخ لدرجة الهبل

حيد عن الراس وإذرب

بلهجة اهل اربد والمعنى وفي مقوله اخرى حيد عن الراس واذرب
وتقال في الطوش او الخناقات انه يعني ما تعمل عمل كبير تندم عليه
ولكان حاول توجع بشكل غير مباشر
يعني لا تضرب واحد على راسه تنبلي فيه

إحفظ هالّلطش

يقولها من أدى خدمة لحدا ومحملوا جميلة عليها

طقع - بكسر القاف

يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير

فايـع/ فايـعة

وتقال للبنت والولد اللي ماشيين عل الموظة أو على حل شعرهم أو شايفين حالهم - للتوضيح يعني من مناطق عمان الغربية وبالأخص عبدون وأخواتها

هاك
يعني خذ او القف.. بس من غير نفس

بتتخوث يا ملوّث

تقال لمن يحاول أن يخفف دمه وبتهبّل وهو فيش أزنخ من دمّو

يلعن روما
مسبة قاسية جدا تقال عند الغضب بدل من سب الدين
مشرّت - بكسر الرا وفتح الشين
تقال عادة للظاربة فيوزاته او ولا حبة

الطنجير
يقال انها من اصل طنجرة وتقال للشخص اللي مثل اللوح ومش عارف وين الله حاطّه

الشنتير
تقال للشخص اللي حجمه كبير وعالفاظي

فستق فاظي

تقال للشخص اللي بحكي كتير وما بعمل اشي

سحنة

معناها ملامح وجه الواحد .. ويا محلا هالسحن

يسنحك

معذرة ... ما زال البحث جاري عن معناها

كزدر
وتستعمل في المناطق الأقل حظا

منغنغ- الله يطعمنا

معناها معاه فلوس كثيرة وجيبته مليانة مصاري

هههههههههههههههههههههههههههههههههه
يسلمو

اخ علي
يسلمو على هالترجمات ( ان صح التعبير )
فهي مفيدة ( وخصوصا لي كما تعرف )

نورالدين المقداد كتب:: اخ علي
يسلمو على هالترجمات ( ان صح التعبير )
فهي مفيدة ( وخصوصا لي كما تعرف )

يا هلا اخوي ابو عبدالله

تكرم عنك

و اهلا و سهلا

مشكور على المصطلحات الرائعه
وعندك

قولي شو معنى لاسحله انا بعرف بس بدي اشوفك

إحفظ هل لطش
والله على راصي
كلمات في غاية الروعة

مشكوووووووووور
&
يصــــــــــــــــــــــــــــــلموا
&
جعــــلة الله في ميزان حسنـــــاتك

وإلى الامام أخ علي مقدادي

تقبل مروري